Sjúkranuddarafélag
Íslands
Um félagið
Sjúkranuddarafélag Íslands var stofnað 1981 en lög um sjúkranudd voru samþykkt á Alþingi árið 1987.
Sjúkranuddarar starfa á eigin stofum, heilsuræktarstöðvum, sjúkraþjálfunarstofum og Heilsustofnun NLFÍ Hveragerði.
Einnig hafa sjúkranuddarar starfað á sjúkrahúsum og heilsugæslustöðvum.
Það er markmið félagsins að afla sjúkranuddi sömu virðingar og viðurkenningar og það nýtur í öðrum löndum innan vestrænna læknavísinda.
Starfsleyfaskrá Landlæknis heldur utan um löggilta sjúkranuddara.
Samkvæmt 2. grein laga Sjúkranuddarafélags Íslands er tilgangur þess:
Að vinna að hagsmunamálum félagsmanna, vernda réttindi þeirra og beita sér gegn hvers konar misrétti í launagreiðslum og starfskröfum.
Að vinna að bættri heilbrigðisþjónustu í landinu.
Að vinna að samstöðu félagsmanna og efla samheldni stéttarinnar m.a. með útgáfustarfsemi, fræðslufundum, skemmtunum og annarri félagsstarfsemi.Að stuðla að aukinni og bættri menntun félagsmanna og endurmenntun.
Að annast gerð kjarasamninga fyrir félagsmenn og standa vörð um áunnin réttindi.
Að stuðla að samstarfi við hliðstæð samtök innanlands og utan.
Að mennta og þjálfa trúnaðarmenn félagsins.
Að gæta virðingar stéttarinnar og vera málsvari hennar.
Að gæta að öðru leyti hagsmuna og réttinda félagsmanna varðandi störf þeirra og koma fram fyrir þeirra hönd.
Nánar um lög og siðareglur félagsins.